اسرائیلی خفیہ ایجنسی موساد کے سربراہ رومن گوفمین نے گزشتہ ہفتے دورۂ واشنگٹن کے دوران ٹرمپ انتظامیہ پر زور دیا کہ وہ ایران کے خلاف کئی روز پر محیط نیا فضائی حملہ شروع کرے۔
گزشتہ روز امریکی اخبار وال اسٹریٹ جرنل نے اس معاملے سے باخبر ذرائع کے حوالے سے رپورٹ میں کہا کہ اسرائیلی وزیرِاعظم نیتن یاہو کے قریبی ساتھی رومن گوفمین نے گزشتہ جمعے کو امریکی سینٹرل انٹیلی جنس ایجنسی (سی آئی اے) کے ڈائریکٹر جان ریٹکلف سمیت اعلیٰ امریکی حکام سے ملاقات کی اور انہیں ایران کے جوہری پروگرام سے متعلق اسرائیلی انٹیلی جنس معلومات پیش کیں۔