کورونا کی وباء کے دوران گھر سے کام کرنے کا رجحان تیزی سے بڑھا تھا اور ابتداء میں یہ خیال کیا جا رہا تھا کہ سفر، ایندھن، دفتر کے کپڑوں اور باہر کھانے کے اخراجات کم ہونے سے بڑی بچت ہو گی مگر 5 سال بعد سامنے آنے والی صورتِ حال اس کے برعکس دکھائی دے رہی ہے۔
غیر ملکی میڈیا کی رپورٹ کے مطابق ماہرین کا کہنا ہے کہ گھر سے کام کرنے والے افراد کے بجلی کے بل میں نمایاں اضافہ ہوا ہے کیونکہ لیپ ٹاپ، مانیٹر، وائی فائی راؤٹر اور ایئر کنڈیشنر روزانہ 8 سے 9 گھنٹے چلتے ہیں۔