روسی وزارت دفاع نے یوکرین کے بنیادی ڈھانچے، برقی نظام اور اسٹیل ملز سمیت اہم عمارتوں اور مراکز کو نشانہ بنانے کا دعویٰ کیا ہے۔
برطانوی خبر رساں ادارے رائٹرز کے مطابق روسی وزارت دفاع نے کہا کہ ہماری افواج نے یوکرین کے مختلف علاقوں میں بنیادی ڈھانچے، برقی نظام اور اسٹیل ملز سمیت تجارتی جہازوں پر وسیع پیمانے پر حملے کیے ہیں۔
روس کا موقف ہے کہ ان حملوں کا مقصد یوکرین کے فوجی و صنعتی شعبے کو فراہم کی جانے والی رسد اور سامان کی معطلی ہے۔