امریکی صدر ڈونلڈ ٹرمپ نے ایران کے خلاف ایٹمی ہتھیار استعمال کرنے سے انکار کرتے ہوئے کہا ہے کہ امریکا کو اس کی ضرورت نہیں تاہم صدر ٹرمپ نے دیگر فوجی کارروائیوں کے امکانات کو رد نہیں کیا۔
نیوز میکس کو انٹرویو کے دوران صدر ٹرمپ نے بتایا کہ امریکا دنیا کی سب سے بڑی ایٹمی طاقت ہے لیکن ایران کے خلاف ایٹمی ہتھیار استعمال نہیں کیے جائیں گے۔
ایران پر حملے کے لیے انتہائی طاقتور غیر ایٹمی بم جسے ’مدر آف آل بمز‘ کہا جاتا ہے، استعمال کرنے سے متعلق ایک سوال کے جواب میں ٹرمپ نے کہا کہ یہ ایٹمی بم نہیں بلکہ انتہائی بڑا روایتی بم ہے۔