World
یوکرین کا روسی تیل کی تنصیبات پر حملے دوبارہ کرنے کا اعلان، کریملن کا سخت ردِعمل
روس نے یوکرین کو خبردار کرتے ہوئے کہا ہے کہ روسی تیل صاف کرنے والی تنصیبات پر حملے دوبارہ شروع کرنے کا اعلان امریکی امن کی کوششوں اور جنگ بندی کی خلاف ورزی ہے۔
مصنف Naila Abbas71K بار پڑھا

روس نے یوکرین کو خبردار کرتے ہوئے کہا ہے کہ روسی تیل صاف کرنے والی تنصیبات پر حملے دوبارہ شروع کرنے کا اعلان امریکی امن کی کوششوں اور جنگ بندی کی خلاف ورزی ہے۔
غیر ملکی خبر رساں ادارے کے مطابق یوکرینی صدر ولادومیر زیلنسکی نے برطانوی اخبار فنانشل ٹائمز کو انٹرویو دیتے ہوئے کہا تھا کہ روسی تیل صاف کرنے والی تنصیبات پر حملوں کی پابندی ختم ہو چکی، اب یوکرین دوبارہ حملے کرے گا۔
کریملن کے ترجمان دمتری پیسکوف نے اس بیان پر ردِعمل کا اظہار کرتے ہوئے کہا ہے کہ یوکرین کی جانب سے توانائی تنصیبات پر حملے امریکی صدر ڈونلڈ ٹرمپ اور امریکی مذاکرات کاروں کی امن کوششوں کے خلاف ہیں، کیف اور زیلنسکی کی جانب سے امن کے لیے آمادگی نہ ہونے کے باعث مذاکراتی کوششیں متاثر ہو رہی ہیں۔
ولودومیر زیلنسکی کا ڈونلڈ ٹرمپ پر دھوکا دینے کا الزام، روسی تیل کی تنصیبات پر دوبارہ حملے کا اعلان


