World
انگلینڈ اور ویلز میں گاڑی چوری کی وارداتوں میں پچاس فیصد تک اضافے کا انکشاف
انگلینڈ اور ویلز میں گاڑی چوری کی وارداتوں میں تقریبا پچاس فیصد تک ہوشربا اضافے کا انکشاف ہوا ہے۔
مصنف ہارون مرزا65K بار پڑھا

انگلینڈ اور ویلز میں گاڑی چوری کی وارداتوں میں تقریبا پچاس فیصد تک ہوشربا اضافے کا انکشاف ہوا ہے۔
برطانوی ذرائع ابلاغ کی رپورٹ کے مطابق ہوم آفس کے حالیہ اعدادو شمار میں انکشاف ہوا ہے کہ حالیہ کمی کے باوجود ایک دہائی پہلے کے مقابلے میں انگلینڈ اور ویلز میں گاڑی چوری کی شرح میں 50 فیصد اضافہ ریکارڈ کیا گیا ہے۔
پولیس کا ماننا ہے کہ گاڑی چوری ایک منافع بخش عالمی مجرمانہ کاروبار ہے‘ کار چور یہاں سے گاڑیاں چرانے کے بعد ملک کے مختلف حصوں میں منتقل کرتے ہیں گھنٹوں کے اندر گاڑیوں کو توڑ پھوڑ دیا جاتا ہے جنہیں تلاش کرنا مشکل ہو جاتا ہے۔ مشتبہ افراد تک رسائی بھی اسی امر کی وجہ سے مشکل ہوتی ہے۔



