بھارتی دارالحکومت نئی دہلی میں بزرگ شہریوں کے لیے مخصوص نشست پر جھگڑے کے دوران مبینہ طور پر تھپڑ مارنے اور دھکا دینے سے 48 سالہ شخص ہلاک ہو گیا، پولیس نے سابق بھارتی آئی اے ایس افسر اور اس کے بیٹے کو گرفتار کر لیا۔
بھارتی میڈیا کے مطابق واقعہ 8 اکتوبر کو سپریم کورٹ میٹرو اسٹیشن پر پیش آیا جہاں پون شرما کا سنجے پرتاب سنگھ اور اس کے بیٹے سدھارتھ سنگھ سے نشست کے معاملے پر جھگڑا ہوا، دورانِ جھگڑا پون شرما کو مبینہ طور پر تھپڑ مارا گیا اور دھکا دیا گیا جس سے وہ گر پڑے اور ان کے سر پر چوٹیں آئیں۔