آسٹریلیا کے شہر ایڈیلیڈ میں سڑک پر عبادت کرنے والی پاکستانی طالبہ گاڑی کی ٹکر سے جاں بحق ہو گئی، تاہم حادثے کا ذمے دار ڈرائیور جیل جانے سے بچ گیا۔
غیر ملکی میڈیا کی رپورٹس کے مطابق 20 سالہ پاکستانی طالبہ سامعہ ملک 6 مئی 2025ء کی شب ہِل کرسٹ کے علاقے میں نارتھ ایسٹ روڈ پر تقریباً 4 منٹ تک عبادت کی حالت میں گھٹنوں کے بل بیٹھی دکھائی دیں۔
موقع پر موجود افراد نے انہیں دیکھا، جبکہ سی سی ٹی وی کیمروں میں بھی یہ منظر ریکارڈ ہوا، اسی دوران 19 سالہ ایشٹن جیکب فرینڈ کی گاڑی نے انہیں ٹکر مار دی۔