انگلینڈ کرکٹ ٹیم کے ہیڈ کوچ برینڈن میک کولم نے کہا ہے کہ پاکستان کے خلاف اس کی اپنی کنڈیشنز میں کھیلنا آسان نہیں۔
راولپنڈی میں پریس کانفرنس کرتے ہوئے برینڈن میک کولم کا کہنا تھا کہ پاکستان آ کر بہت خوشی ہوئی۔ گزشتہ چند برسوں میں متعدد بار پاکستان کا دورہ کر چکا ہوں۔
برینڈن میک کولم نے کہا کہ پاکستان میں ہمیشہ بہترین کرکٹ کھیلنے کا موقع ملا۔ پاکستان کے لوگ انتہائی مہمان نواز ہیں، یہاں کا ماحول بھی شاندار ہے۔
انگلینڈ کرکٹ ٹیم کے کوچ کا کہنا تھا کہ پاکستان کے خلاف اس کی اپنی کنڈیشنز میں کھیلنا آسان نہیں۔ پاکستان ایک مضبوط ٹیم ہے، اس کے خلاف جارحانہ حکمت عملی اپنانا ہوگی۔