Sports
فٹبال میں نئی ٹیکنالوجی متعارف، پہلی بار ڈیجیٹل یلو کارڈ کا استعمال
فٹبال کی دنیا میں نئی ٹیکنالوجی متعارف کروا دی گئی۔
مصنف Fatima71K بار پڑھا

فٹبال کی دنیا میں نئی ٹیکنالوجی متعارف کروا دی گئی۔
بین الاقوامی میڈیا کی رپورٹ کے مطابق یوراگوئے میں ایک ریفری نے روایتی پیلے اور سرخ کارڈز کے بجائے اسمارٹ فون جیسی الیکٹرانک ڈیوائس استعمال کی۔
رپورٹ میں بتایا گیا ہے کہ یہ تجربہ کوپا یوراگوئے کے ایک میچ کے دوران کیا گیا، جہاں 15 اکتوبر کو ناسیونال اور رینٹسٹاس کے درمیان کھیلے گئے میچ میں ایک کھلاڑی کو پہلی مرتبہ ڈیجیٹل یلو کارڈ دکھایا گیا، اس میچ میں ناسیونال نے0-3 سے کامیابی حاصل کی۔
رپورٹ کے مطابق میچ کے 12 ویں منٹ میں ریفری ایڈورڈو ویریلا نے رینٹسٹاس کے کھلاڑی خوان پابلو پلاڈا کو فاؤل پر ڈیجیٹل یلو کارڈ دکھایا، کسی بھی فٹبال میچ میں اس ٹیکنالوجی کے استعمال کا یہ پہلا تجربہ تھا۔
فٹبال کی ترقی کیلئے 6 ارب 35 کروڑ ڈالر کی سرمایہ کاری کا منصوبہ


