پاک ویمن کرکٹ ٹیم کا دمبولا پہنچنے پر خیر مقدم
لاہور (اُردو پوائنٹ اخبارتازہ ترین - اے پی پی۔ 29 جولائی2026ء) پاکستان ویمن کرکٹ ٹیم سری لنکا کے خلاف ٹی 20 سیریز کے لیے دمبولا پہنچ گئی ہے جہاں میزبان سری لنکا کے خلاف تین ٹی 20 انٹرنیشنل میچوں کی سیریز کھیلی جائے گی۔ ق

لاہور (اُردو پوائنٹ اخبارتازہ ترین - اے پی پی۔ 29 جولائی2026ء) پاکستان ویمن کرکٹ ٹیم سری لنکا کے خلاف ٹی 20 سیریز کے لیے دمبولا پہنچ گئی ہے جہاں میزبان سری لنکا کے خلاف تین ٹی 20 انٹرنیشنل میچوں کی سیریز کھیلی جائے گی۔ قومی ٹیم کے کھلاڑیوں اور آفیشلز کا دمبولا پہنچنے پر خیرمقدم کیا گیا، جبکہ اسکواڈ نے آئندہ مقابلوں کی تیاریوں کا آغاز بھی کر دیا ہے۔ شیڈول کے مطابق پاکستان ویمن کرکٹ ٹیم جمعرات کو دمبولا میں ٹریننگ سیشن کرے گی، جس میں کھلاڑی بیٹنگ، بولنگ، فیلڈنگ اور فٹنس پر بھرپور توجہ دیں گے۔ کوچنگ اسٹاف بھی سیریز سے قبل کھلاڑیوں کی تکنیکی خامیوں کو دور کرنے اور مختلف حکمت عملیوں پر کام کرے گا تاکہ ٹیم مضبوط تیاری کے ساتھ میدان میں اترے۔ پاکستان اور سری لنکا ویمن ٹیموں کے درمیان تین میچوں پر مشتمل ٹی 20 سیریز کے تمام مقابلے دمبولا میں کھیلے جائیں گے۔ سیریز کا پہلا میچ31 جولائی، دوسرا 2 اگست جبکہ تیسرا اور آخری ٹی 20 اگست کو ہوگا۔ قومی ٹیم کی کوشش ہوگی کہ وہ غیرملکی سرزمین پر عمدہ کارکردگی کا مظاہرہ کرتے ہوئے سیریز اپنے نام کرے، جبکہ شائقین کرکٹ کو دونوں ٹیموں کے درمیان دلچسپ اور سنسنی خیز مقابلوں کی توقع ہے۔



