برلن (اُردو پوائنٹ اخبارتازہ ترین - اے پی پی۔ 29 جولائی2026ء) جرمن فٹبال کلب اینٹراخٹ فرینکفرٹ نے برازیل سے تعلق رکھنے والے 20 سالہ سینٹر بیک ڈیفینڈر اوٹافیو کے ساتھ جون 2031 تک کا معاہدہ طے پانے کا باقاعدہ اعلان کر دیا ہے۔شنہوا کے مطابق برازیل کے مقامی کلبوں بوٹافوگو اور کامبوریو کی یوتھ اکیڈمیز سے شروعات کرنے والے اوٹافیو نے سال 2024 میں پرتگالی کلب ایسٹریلا میں شمولیت اختیار کی تھی۔ 1.93 میٹر قد کے حامل بائیں ہاتھ کے اس ڈیفینڈر نے گزشتہ سیزن میں شاندار کارکردگی کا مظاہرہ کرتے ہوئے ایسٹریلا کی فرسٹ ٹیم کے آخری 25 لیگ میچز میں سے 22 میں شرکت کی، جن میں سے 17 میچز میں وہ ابتدائی لائن اپ کا حصہ تھے۔معاہدے کے بعد گفتگو کرتے ہوئے اوٹافیو نے اسے اپنے کیریئر کا اہم سنگِ میل اور خواب کی تعبیر قرار دیا۔ اینٹراخٹ فرینکفرٹ کے سپورٹنگ ڈائریکٹر ٹیمو ہارڈنگ نے ان کے انتخاب کو سراہتے ہوئے کہا کہ 20 سالہ اوٹافیو ایک انتہائی باصلاحیت، تیز رفتار اور مضبوط ڈیفینڈر ہیں جن کی آمد سے کلب کی دفاعی لائن کو طویل عرصے کے لیے استحکام حاصل ہوگا۔