اسپین کے نوجوان فٹبال اسٹار لامین یامال کی گرل فرینڈ انیس گارسیا سانتوس نے سوشل میڈیا پر وائرل ہونے والے ایک مبینہ ٹویٹ کو جعلی قرار دیتے ہوئے افواہوں کی تردید کر دی۔
چند روز قبل انسٹاگرام پر لامین یامال کے ساتھ اپنے تعلق کا باضابطہ اعلان کرنے والی انیس گارسیا اس وقت خبروں کی زینت بن گئیں جب ان کے سابق بوائے فرینڈ سے متعلق ایک پرانی پوسٹ اور مختلف دعوے سوشل میڈیا پر وائرل ہونے لگے۔
سوشل میڈیا پر یہ دعویٰ بھی کیا گیا کہ انیس نے اپنے سابق ساتھی کو لامین یامال کی جانب سے پیغام موصول ہونے کے بعد چھوڑ دیا تھا۔