امریکی صدر ڈونلڈ ٹرمپ نے مصنوعی ذہانت (اے آئی) سے تیار کردہ تصویر شیئر کی ہے، جس میں امریکی جنگی طیارے کو ایران کے جزیرۂ خارگ کی جانب بڑھتے ہوئے دکھایا گیا ہے۔
امریکی صدر نے گزشتہ روز اپنے سوشل میڈیا پلیٹ فارم ٹروتھ سوشل پر شیئر کردہ تصویر کے کیپشن میں ’بائے بائے خارگ!‘ لکھا ہے۔
ٹرمپ کی جانب سے سوشل میڈیا پر شیئر کردہ تصویر میں ایک جنگی طیارہ ایسے جزیرے کی جانب پرواز کرتا دکھائی دیتا ہے جو دھماکوں اور شعلوں کی لپیٹ میں ہے، جس سے تاثر ملتا ہے کہ ایران کے اہم تیل کے برآمدی مرکز جزیرۂ خارگ کو نشانہ بنایا جا رہا ہے۔