Lifestyle
بھارت کو سفارتی محاذ سمیت ہر جگہ ہزیمت اٹھانا پڑ رہی ہے، خواجہ آصف
وزیر دفاع خواجہ محمد آصف نے کہا ہے کہ بھارت کو سفارتی محاذ سمیت ہر جگہ ہزیمت اٹھانا پڑ رہی ہے۔
مصنف Aqib Ali20K بار پڑھا

وزیر دفاع خواجہ محمد آصف نے کہا ہے کہ بھارت کو سفارتی محاذ سمیت ہر جگہ ہزیمت اٹھانا پڑ رہی ہے۔
پارلیمنٹ ہاؤس میں میڈیا سے گفتگو میں خواجہ آصف نے کہا کہ سندھ طاس معاہدے سے متعلق ثالثی عدالت کا فیصلہ واضح ہے۔
انہوں نے کہا کہ فیصلے میں بتایا گیا ہے کہ یکطرفہ طور پر اس معاہدے کو ختم نہیں کیا جاسکتا، جو فریم ورک پہلے سے موجود ہے وہی چلتا رہے گا۔ معاہدے میں کومہ، فُل اسٹاپ کوئی بھی چیز تبدیل کرنی ہو تو دونوں فریق طے کریں گے۔
اُن کا کہنا تھا کہ سندھ طاس معاہدہ 46 سال تک خوش اسلوبی کیساتھ برقرار رہا ہے، جب میں وزیر آبی وسائل تھا اُس وقت ہم نے سوا سو کے قریب دورے کیے۔



