Lifestyle
ٹرمپ انتظامیہ نے دنیا بھر میں امریکی ویزا انٹرویوز روک دیے
امریکی صدر ڈونلڈ ٹرمپ کی انتظامیہ نے دنیا بھر میں امریکی سفارت خانوں اور قونصل خانوں میں ویزا انٹرویوز عارضی طور پر روکنے یا دوبارہ مقرر کرنے کا عمل شروع کر دیا ہے۔
مصنف Naila Abbas20K بار پڑھا

امریکی صدر ڈونلڈ ٹرمپ کی انتظامیہ نے دنیا بھر میں امریکی سفارت خانوں اور قونصل خانوں میں ویزا انٹرویوز عارضی طور پر روکنے یا دوبارہ مقرر کرنے کا عمل شروع کر دیا ہے۔
امریکی محکمۂ خارجہ کے مطابق یہ اقدام قونصلر افسران کی عالمی تربیتی مہم کے لیے کیا گیا ہے۔
امریکی محکمۂ خارجہ کا کہنا ہے کہ ویزا سروسز کے شیڈول میں تبدیلی تربیتی پروگرام کے مطابق کی جائے گی تاہم یہ عمل کب تک جاری رہے گا، اس کی کوئی حتمی مدت نہیں بتائی گئی، تربیت کا مقصد ایسے درخواست گزاروں کی بہتر جانچ کرنا ہے جن کے بارے میں خدشہ ہو کہ وہ مستقبل میں امریکی سرکاری مراعات پر انحصار کر سکتے ہیں جبکہ تمام ویزا درخواستوں کا جامع اور یکساں جائزہ بھی یقینی بنایا جائے گا۔
ٹرمپ انتظامیہ کی ہنر مند غیر ملکی کارکنوں کے ویزوں پر بھاری فیس کی تجویز


