اسلام آباد ہائی کورٹ نے شوہر اور بیٹیوں پر تشدد کے مقدمے میں نامزد خاتون کی ضمانت منظور کر لی۔
اس حوالے سے اسلام آباد ہائی کورٹ کے جسٹس خادم حسین سومرو نے 8 صفحات کا فیصلہ جاری کر دیا جس کے مطابق 2 لاکھ روپے کے مچلکوں کے عوض ملزمہ کی ضمانت منظور کی گئی ہے۔
اسلام آباد ہائی کورٹ کا کہنا ہے کہ فریقین کے درمیان تنازع گھریلو اور خاندانی نوعیت کا ہے، میڈیکل ریکارڈ میں کوئی ایسی چوٹ سامنے نہیں آئی جو جان لیوا ثابت ہوئی ہو۔