ایشین کرکٹ کونسل کے انتخابات میں پاکستان کے حمایت یافتہ پینل نے بھارتی حمایت یافتہ پینل کو شکست دے دی۔
بنکاک میں ایشین کرکٹ کونسل کے سالانہ جنرل اجلاس میں اے سی سی بورڈ میں ڈائریکٹرز کی 3 نشستوں کے لیے انتخابات ہوئے۔ جس میں پاکستان اور بھارت کے حمایت یافتہ پینلز آمنے سامنے تھے۔
ذرائع کے مطابق کانٹے دار مقابلے میں پاکستان کے حمایت یافتہ پینل کے تینوں امیدوار کامیاب ہو گئے۔
ذرائع کے مطابق اے سی سی صدر محسن نقوی کی قیادت میں پاکستان کے حمایت یافتہ کامیاب پینل میں قطر، سنگاپور اور مالدیپ کے نمائندے شامل تھے۔