بڑھا ہوا پیٹ یا توند، کمر کا گھیر اور جسم میں چربی کی تقسیم دل کی صحت کے بارے میں زیادہ مفید معلومات فراہم کر سکتی ہے۔
کراس کوہورٹ کولیبوریشن کے محققین نے 15 طویل مدتی طبی مطالعات میں شامل تقریباً 2 لاکھ 60 ہزار افراد کے اعداد و شمار کا جائزہ لیا، ان افراد کی تقریباً 20 برس تک طبی نگرانی کی گئی۔
جرنل آف دی امریکن کالج آف کارڈیالوجی میں شائع ہونے والے نتائج کے مطابق بی ایم آئی کی بنیاد پر معمول کے وزن یا زائد وزن کی کیٹیگری میں آنے والے بعض افراد کے پیٹ میں چربی کی مقدار نمایاں تھی۔