وزیراعظم اینڈی برنہم نے اعلان کیا ہے کہ غیر قانونی طور پر کچرا پھینکنے والے افراد اور منظم جرائم پیشہ گروہوں کے خلاف مزید سخت کارروائی کی جائے گی اور ذمہ دار افراد سے کچرے کی صفائی کے اخراجات بھی وصول کیے جائیں گے۔
وزیراعظم نے یہ اعلان ویسٹ یارکشائر میں ایک غیر قانونی کچرے کے ڈمپ کے دورے کے دوران کیا، جہاں انہوں نے بریڈفورڈ ویسٹ کی رکن پارلیمنٹ ناز شاہ سے بھی ملاقات کی۔ ملاقات میں حلقے کو درپیش اہم مسائل، خصوصاً غیر قانونی کچرے کی ڈمپنگ اور رات گئے آتش بازی کے باعث پیدا ہونے والے شور اور خلل پر تفصیلی گفتگو کی گئی۔