فلسطینی مزاحمتی تنظیم حماس کا کہنا ہے کہ غزہ پر حملے روکنے کا امریکی صدر ڈونلڈ ٹرمپ کا اسرائیل سے مطالبہ قابل تحسین ہے، غزہ میں جنگ بندی برقرار رکھنے کے لیے صدر ٹرمپ کے اقدامات کو سراہتے ہیں۔
برطانوی خبر رساں ادارے رائٹرز کے مطابق حماس کے سربراہ خلیل الحیہ نے اتوار کو مصر کے دارالحکومت قاہرہ میں امریکی نمائندے اور صدر ڈونلڈ ٹرمپ کے داماد جیرڈ کشنر سے ملاقات کی، جس کے بعد وہ غزہ جنگ کے خاتمے کے لیے مذاکرات میں ایک اہم کردار کے طور پر سامنے آئے ہیں۔