انگلینڈ اور ویلز میں جنگلات میں آگ لگنے کے بڑھتے ہوئے خطرے کے پیشِ نظر حکومت نے لاکھوں افراد کے موبائل فونز پر ہنگامی الرٹ جاری کر دیا۔
عوام کو خبردار کیا گیا ہے کہ ایسی کسی بھی سرگرمی سے گریز کریں جس سے آگ بھڑک سکتی ہو۔
حکومت کے مطابق ملک بھر میں جنگلات میں آگ لگنے کا خطرہ انتہائی زیادہ ہے۔ شہریوں، زمین کے مالکان اور سیاحوں کو ڈسپوزایبل باربی کیو، الاؤ، باغات میں کچرا جلانے اور آتش بازی سمیت آگ پیدا کرنے والی سرگرمیوں سے دور رہنے کی ہدایت کی گئی ہے۔