سفارتخانہ پاکستان ویانا میں پاکستان کے 79ویں یومِ آزادی کے موقع پر پروقار پرچم کشائی کی تقریب منعقد ہوئی، جس کی سرپرستی سفیر پاکستان محمد کامران اختر ملک نے کی۔
آسٹریا بھر سے پاکستانی کمیونٹی کے افراد نے تقریب میں بڑی تعداد میں شرکت کرکے وطنِ عزیز سے محبت کا اظہار کیا۔
تقریب کا آغاز تلاوتِ قرآن پاک سے ہوا، جس کی سعادت منظور ریاض بٹ نے حاصل کی جبکہ اسٹیج سیکریٹری کے فرائض تھرڈ سیکریٹری سعیدہ مبشرہ عروج نے انجام دیئے۔