پاکستان فٹ بال فیڈریشن (پی ایف ایف) کے زیر اہتمام اے ایف سی ’اے‘ کوچنگ کورسز کا پانچ روزہ کورس 15 سے 19 اگست 2026 تک منعقد ہوگا۔ کورس میں عراق سے تعلق رکھنے والے اے ایف سی انسٹرکٹر مسٹر وسام شمیل کامل بطور انسٹرکٹر خدمات انجام دیں گے۔
کورس میں پاکستان کے 19 اے ایف سی ’اے‘ سرٹیفائیڈ کوچز شرکت کریں گے جن میں 18 مرد اور ایک خاتون کوچ شامل ہیں۔
10 سال کے بعد پاکستان فٹبال فیڈریشن (پی ایف ایف) پاکستان میں اے ایف سی ’اے‘ سرٹیفکیٹ ریفریشر کوچنگ کورس منعقد کرنے جا رہی ہے جو ملک میں اعلیٰ سطح کی اے ایف سی کوچنگ ایجوکیشن کی بحالی کی جانب ایک اہم قدم ہے۔ پانچ روزہ کورس 15 سے 19 اگست 2026 تک منعقد ہوگا۔