ایل اے 17 باغ 4 حویلی میں 1 لاکھ 17 ہزار 514 ووٹرز کےلیے 199 پولنگ اسٹیشنز قائم کیے گئے ہیں۔
ریٹرننگ آفیسر (آر او) آفس کے اعلامیے کے مطابق ایل اے 17 باغ 4 حویلی کے الیکشن میں 1 لاکھ 17 ہزار 514 ووٹرز حق رائے دہی استعمال کریں گے۔
آر او آفس کے مطابق حلقے میں انتخابات کےلیے 199 پولنگ اسٹیشنز قائم کیے گئے ہیں ، 12 یونین کونسل سمیت ٹاؤن کمیٹی میں انتخابات ہوں گے۔
اعلامیے کے مطابق بھیڈی، ہلہ اور کیرنی جیسے دوردراز علاقوں میں انتخابی سامان پہنچا دیا گیا ہے، سامان کی ترسیل کے حوالے سے حویلی کو 16 سیکٹرز میں تقسیم کیا گیا ہے۔