بھارتی ریاست اتر پردیش کے شہر غازی آباد میں ایک سیکیورٹی گارڈ نے مبینہ طور پر 17 سالہ لڑکے کو چور سمجھ کر گولی مار دی، جس کے نتیجے میں وہ اپنی جان سے ہاتھ دھو بیٹھا۔
پولیس کے مطابق واقعہ ہفتے کے روز صاحب آباد تھانے کی حدود میں ایک زیر تعمیر بلڈنگ میں پیش آیا، جہاں سیکیورٹی کے لیے ایک گارڈ تعینات تھا۔
مرنے والے نوجوان کی شناخت سمیر کے نام سے ہوئی ہے، جو صاحب آباد کا رہائشی تھا۔ ابتدائی معلومات کے مطابق سمیر مبینہ طور پر عمارت میں سوشل میڈیا کے لیے ریل بنانے کی غرض سے داخل ہوا تھا۔