بالی ووڈ اداکار سلمان خان کی رہائش گاہ کے باہر تعینات ممبئی پولیس کا اہلکار چل بسا۔ کانسٹیبل کی ڈیوٹی اداکار کے گیلیکسی اپارٹمنٹس کے باہر تھی، جہاں جمعے کی شام دل کا دورہ پڑنے سے اس کی موت واقع ہو گئی۔
ممبئی سے بھارتی میڈیا کی ایک رپورٹ کے مطابق، کانسٹیبل گنیش رائٹے ممبئی پولیس کی ٹیم کے ساتھ تعینات تھا۔ شام تقریباً 6 بجے اس نے دیگر پولیس اہلکاروں سے طبیعت کی خرابی کی شکایت کی، جس کے بعد اسے علاج کے لیے فوراً اسپتال لے جایا گیا۔ تاہم اسپتال پہنچنے پر اسے مردہ قرار دے دیا گیا۔