پاکستان علما کونسل کے چیئرمین طاہر محمود اشرفی نے کہا کہ پاکستان، سعودی عرب اور ترکیہ کے درمیان دفاعی معاہدہ امت مسلمہ کی وحدت و مشترکہ سلامتی مضبوط کرے گا۔ 
لاہور سے اپنے بیان میں علامہ طاہر محمود اشرفی کا مزید کہنا تھا کہ امتِ مسلمہ کی وحدت و اتحاد کا پرچم سر بلند ہوگا، تینوں ممالک کی قیادت نے اسرائیلی سازشوں کو ناکام بنانے میں بھی کردار ادا کیا۔
انھوں نے کہا کہ پاکستان، سعودی عرب اور ترکیہ کی قیادت امت کے اتحاد، سلامتی اور استحکام کے لیے اقدامات آگے بڑھائیں گی۔