کراچی کے نوجوان تاجر میر رضا علی کے والد میر حسین علی کے وکیل جبران ناصر نے کہا ہے کہ پولیس تفتیش نہیں کر رہی ہے، فیملی کو ہراساں کر رہی ہے۔
ہفتے کو کراچی میں میڈیا سے گفتگو کرتے ہوئے جبران ناصر نے کہا کہ اس خاندان کو گھنٹوں دفتر میں بٹھا کر کہا گیا کہ خودکشی ہے اس کو مان لیں، پولیس افسران معاملے کو خودکشی تسلیم کرنے پر زور دے رہے تھے۔
انھوں نے کہا کہ 14 سوالات میڈیکل بورڈ لے کر گیا تھا ان کے جواب لایا ہوں، مختلف سیمپلز لےکر بھیجے گئے تھے، تشدد کے نشانات واضح تھے۔