پاکستان میوزک انڈسٹری کے معروف گلوکار راحت فتح علی خان نے حکومت سے اہم مطالبہ کر دیا۔
راحت فتح علی خان نے جنگ ڈیجیٹل کو دیے گئے خصوصی انٹرویو میں پوچھے گئے ایک سوال کے جواب میں کہا کہ ہم نے پاکستان بھر سے موسیقی کا ٹیلنٹ اکٹھا کیا، جو بچے آگے نہیں آ سکے، وہ بھی بہت باصلاحیت تھے، ان میں کوئی مہدی حسن کی غزل پیش کر رہا تھا تو کوئی کلاسیکی موسیقی سے سماعتوں میں رس گھول رہا تھا۔
اُنہوں نے کہا کہ پاکستان آئیڈل کے بچے ہماری موسیقی کا روشن مستقبل ہیں، ان میں گانے کا جذبہ ہے، ان کا ولولہ اور جنون دیکھنے سے تعلق رکھتا ہے، مجھے یہ سب کچھ دیکھ کر بے حد خوشی ہوتی ہے۔