وزیراعظم کے مشیر برائے سیاسی امور رانا ثناء اللّٰہ نے کہا ہے کہ پیپلز پارٹی نے کالعدم ایکشن کمیٹی کے افراد کے ساتھ مل کر مظفرآباد میں ہنگامہ کروایا۔
جیو نیوز سے بات کرتے ہوئے رانا ثنا اللّٰہ کا کہنا تھا کہ ہنگامہ اس لیے کروایا تاکہ کشیدگی ہو اور اس سے شہر میں خوف وہراس پھیلے۔
انہوں نے کہا کہ یہ چاہتے تھے کہ ٹرن آؤٹ کم ہو اور اگر شہر میں ٹرن آؤٹ زیادہ ہوتا تو ہمارے امیدوار کا فائدہ تھا اور ہمارے امیدوار کو 4 سے 5 ہزار ووٹ زیادہ مل سکتے تھے۔