وزیرِاعظم کے مشیر برائے سیاسی امور رانا ثناءاللّٰہ نے کہا ہے کہ یہ نہیں ہو سکتا آپ بات کریں اور نئے صوبے بن جائیں۔ نئےصوبوں کےلیے نیشنل کمیشن بنانا ہوگا جس میں فنڈز سمیت دیگر معاملات پر فیصلے ہوں گے۔
جیو نیوز سے گفتگو کرتے ہوئے رانا ثناءاللّٰہ کا کہنا تھا کہ چھوٹے صوبے اور انتظامی یونٹ کا طریقہ کار آئین میں ہی درج ہے۔ پارلیمنٹ میں چھوٹے صوبوں اور انتظامی یونٹس پر گفتگو ہونی چاہیے۔
انہوں نے کہا کہ چھوٹے صوبوں اور انتظامی یونٹ سے متعلق فیصلہ پارٹی کی قیادت کرے گی۔ 2013 سے 2018 تک پنجاب حکومت ہماری تھی ہم نے تب صوبوں کی قرارداد پیش کی تھی۔ میں نے اس کمیشن اور پنجاب میں دو صوبوں کے قیام کی قرارداد خود پیش کی تھی۔