جاپان میں مقیم تقریباً 30 سے 35 ہزار پاکستانیوں کے لیے خوشخبری بننے والا پاکستانی سفارت خانہ ٹوکیو میں نادرا کاؤنٹر کے قیام کا منصوبہ گزشتہ تین سے چار ماہ سے متعلقہ وزارت میں التوا کا شکار ہے۔
نادرا کی باضابطہ منظوری ملنے کے باوجود این او سی جاری نہ ہونے کے باعث یہ اہم منصوبہ عملی شکل اختیار نہیں کر سکا، جس سے ہزاروں اوورسیز پاکستانی شدید مشکلات کا سامنا کر رہے ہیں۔
اس نمائندے کو موصول ہونے والی سرکاری دستاویزات کے مطابق نادرا نے 22 اپریل 2026 کو ٹوکیو میں نادرا کاؤنٹر کے قیام کی اصولی منظوری دیتے ہوئے متعلقہ حکام سے فوری طور پر نو آبجیکشن سرٹیفکیٹ (این او سی) جاری کرنے کی درخواست کی تھی۔