ایم کیو ایم کے مرکز بہادرآباد میں جھگڑے اور فائرنگ  کے معاملے پر نارتھ ناظم آباد میں کارروائی کرتے ہوئے پولیس نے رحمان عرف بھولا کو حراست میں لے لیا۔
وفاقی وزیر مصطفیٰ کمال بھی ایم کیو ایم مرکز بہادرآباد پہنچ گئے، صحافیوں سے گفتگو کے دوران انہوں نے کہا کہ کل کے واقعہ پر کچھ نہیں کہنا چاہتا، کچھ بھی سیل نہیں ہورہا، سب کچھ ٹھیک کرلیں گے۔
اس کے علاوہ  ایم کیو ایم مرکز بہادرآباد پر جھگڑے کے بعد پارٹی کے عہدیدار اور کارکنوں کو گرفتار کیا گیا ہے ، شہر کے مختلف علاقوں میں پولیس اور قانون نافذ کرنے والے اداروں نے کارروائیاں کرکے ایم کیو ایم کے عہدیداران اور کارکنان کو حراست میں لیا ہے۔