وزیراعظم شہباز شریف نے نجکاری پروگرام کے تحت طے شدہ تمام اہداف اور ٹائم لائنز پر عملدرآمد یقینی بنانے کی ہدایت کردی، جبکہ بریفنگ میں بتایا گیا کہ مجموعی طور پر 27 سرکاری ادارے 3 مختلف مراحل میں نجکاری کے ایجنڈے میں شامل ہیں۔
سرکاری اداروں کی نجکاری کے عمل میں پیش رفت کے جائزہ اجلاس میں وزیراعظم نے کہا کہ زرعی ترقیاتی بینک کی نجکاری کا طریقہ کار اس طرح وضع کیا جائے کہ بینک کا زرعی شعبے میں کردار برقرار رہے، اجلاس کو اسلام آباد، لاہور اور کراچی ایئرپورٹ کی نجکاری میں پیش رفت پر بریفنگ دی گئی۔