وفاقی وزیر مذہبی امور سردار محمد یوسف نے کہا کہ ہم سب اس پر متفق ہیں کہ صوبہ ہزارہ بننا چاہیے، ہمارے 7 نوجوانوں نے اس معاملے پر اپنی جانیں دیں، مختلف جماعتوں کے لوگوں کا ایک ہی موقف تھا کہ صوبہ ہزارہ بنایا جائے۔
اسلام آباد میں سینیٹر طلحہ محمود کے ساتھ نیوز کانفرنس سے خطاب کرتے ہوئے سردار محمد یوسف نے کہا کہ 2010 میں تحریک شروع ہوئی کہ صوبہ ہزارہ بننا چاہیے۔
انھوں نے کہا صوبہ ہزارہ کے قیام پر تمام سیاسی جماعتیں متفق ہیں، خیبر پختونخوا اسمبلی صوبہ ہزارہ کے لیے 3 بار آئینی قرار داد منظور کر چکی ہے، کے پی اسمبلی نے 2014، 2018 اور 2020 میں صوبہ ہزارہ کی قراردادیں پاس کیں۔