ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ محسن نقوی نے جو بیان دیا وہ اُن کی ذاتی رائے ہے، اس پر بات نہیں کروں گا۔
راولپنڈی میں میڈیا بریفنگ کے دوران ڈی جی آئی ایس پی آر نے کہا کہ پاکستان کی سیکیورٹی کیلئے گڈ گورننس بہت ضروری ہے، گڈ گورننس کے بغیر معاملات حل نہیں ہوسکتے، گڈ گورننس کیلئے کچھ کرنا پڑے گا۔
ڈی جی آئی ایس پی آر نے کہا کہ نیشنل ایکشن پلان پر تمام جماعتیں متفق ہیں، ہم محافظ حرمین شریفین ہیں، سیکیورٹی اور سیفٹی کا دار و مدار گڈ گورننس پر ہے، آبادی بڑھ گئی ہے، عوامی امنگوں کے مطابق فیصلہ کرنا چاہیے، اچھی حکمرانی پاکستان کے عوام کا حق ہے، انہیں اس کی ضرورت ہے۔