پاک بحریہ کے سربراہ ایڈمرل نوید اشرف سے جمعہ کو بیلاروس کے چیف آف جنرل اسٹاف اور اول نائب وزیر دفاع میجر جنرل پاویل موراویکو کی زیر قیادت ایک وفد نے نیول ہیڈ کوارٹرز اسلام آباد میں ملاقات کی۔ 
مسلح افواج کے شعبہ تعلقات عامہ آئی ایس پی آر کے مطابق چیف آف دی نیول اسٹاف نے معزز مہمان کا خیرمقدم کیا۔
آئی ایس پی آر کے مطابق ملاقات میں باہمی دلچسپی کے پیشہ ورانہ امور بالخصوص دفاعی تعاون پر تبادلہ خیال کیا گیا۔