کنزیومر سیفٹی گروپ الیکٹریکل سیفٹی فرسٹ نے موسمِ گرما کے دوران بیرونِ ملک تعطیلات پر جانے والوں کو خطرناک ٹریول ایڈاپٹرز کے حوالے سے انتباہ جاری کر دیا۔
گروپ کی تحقیق کے مطابق ہزاروں غیر محفوظ ایڈاپٹرز آن لائن فروخت ہو رہے ہیں، آن لائن ایڈاپٹرز فروخت کرنے والی معروف کمپنیوں سے خریدے گئے 14 ٹریول ایڈاپٹرز کے جائزے سے معلوم ہوا کہ ان میں سے کوئی بھی برطانوی معیار پر پورا نہیں اترتا اور ان کے استعمال سے بجلی کا جھٹکا لگ سکتا ہے جو جان کے لیے بھی خطرناک ثابت ہو سکتا ہے۔