بھارتی پولیس نے روس میں موجود مسلمان طالب علم کو بھی طلبہ احتجاج کے مقدمے میں نامزد کردیا۔
بھارتی ریاست بہار کے ضلع کشور گنج سے تعلق رکھنے والے ایک مسلمان نوجوان نے دعویٰ کیا ہے کہ اسے نیٹ پرچہ لیک کے خلاف گزشتہ ہفتے ہونے والے احتجاج کے مقدمے میں نامزد کر دیا گیا، حالانکہ وہ گزشتہ چار ماہ سے روس میں مقیم ہے۔
محمد صداقت نے سوشل میڈیا پر ایک ویڈیو پیغام میں کہا کہ 24 جولائی کو ایل آر پی چوک پر نیٹ پرچہ لیک کے خلاف ہونے والے احتجاج کے مقدمے میں اس کا نام شامل کیا گیا، جبکہ وہ گزشتہ چار ماہ سے روس میں موجود ہے۔