عراق میں امریکی اور سعودی افواج کی کارروائیوں کے بعد عراقی وزیراعظم کے دفتر نے بیان جاری کرتے ہوئے کہا ہے کہ عراقی سرزمین سے کسی بھی قسم کے حملوں کے خلاف کارروائی کا اختیار صرف عراقی حکومت کے پاس ہے۔
وزیراعظم کے دفتر کے مطابق عراقی سیکیورٹی کونسل نے امریکی اور سعودی حملوں کے معاملے پر ضروری سفارتی اقدامات کے لیے وزارت خارجہ کو ہدایات جاری کر دی ہیں۔
بیان میں تمام متعلقہ فریقوں پر زور دیا گیا ہے کہ وہ کشیدگی میں اضافے سے گریز کریں اور ایسے اقدامات سے اجتناب کریں جو خطے کی صورتحال کو مزید پیچیدہ بنا سکتے ہیں۔