حکومت نے ایک دن کی کمی کے بعد آج پیٹرول کی قیمت میں پھر اضافہ کردیا۔ جبکہ ڈیزل کی قیمت کی اونچی پرواز بغیر کسی تعطل کے جاری ہے۔ 
پیٹرولیم ڈویژن نے ڈیزل اور پیٹرول کی قیمتوں میں اضافے کا نوٹیفکشن جاری کردیا۔
نوٹیفکیشن کے مطابق پیٹرول کی قیمت میں ایک روپیہ 63 پیسے فی لیٹر اور ڈیزل کی قیمت میں 1 روپیہ 55 پیسے فی لیٹر کا اضافہ کردیا گیا۔
اس اضافے کے بعد پیٹرول کی نئی قیمت 335 روپے 81 پیسے فی لیٹر جبکہ ڈیزل کی نئی قیمت 388 روپے 38 پیسے فی لیٹر مقرر کردی گئی ہے۔