امریکا کا ایک خفیہ جاسوس سیٹلائٹ زمین سے سیکڑوں میل کی بلندی پر پراسرار طور پر ٹکڑے ٹکڑے ہوگیا۔
امریکی اسپیس فورس کے مطابق USA-32 نامی سیٹلائٹ 13 ستمبر کو تقریباً رات 9 بج کر 13 منٹ یو ٹی سی پر زیریں زمینی مدار میں ٹوٹ گیا۔
یہ سیٹلائٹ 1988ء میں سرد جنگ کے آخری برسوں کے دوران لانچ کیا گیا تھا اور خیال کیا جاتا ہے کہ اسے سوویت ریڈار سمیت الیکٹرانک سگنلز کی نگرانی کے لیے استعمال کیا جاتا تھا۔
سیٹلائٹ تقریباً 775 کلومیٹر کی بلندی پر ٹوٹا، جس کے ملبے کو امریکی فوج ٹریک کر رہی ہے۔