Lifestyle
امریکا میں آنتوں کے انفیکشن کے کیسز میں اضافہ، 300 سے زائد افراد متاثر
امریکی ریاست مشی گن میں آنتوں کے انفیکشن کا باعث بننے والے سائیکلوسپورا (Cyclospora) نامی طفیلیے کے پھیلاؤ کے بعد 300 سے زائد کیسز رپورٹ ہوئے ہیں، جس پر محکمۂ صحت نے تحقیقات شروع کر دی ہیں۔
مصنف Hassan Shabbar6K بار پڑھا

امریکی ریاست مشی گن میں آنتوں کے انفیکشن کا باعث بننے والے سائیکلوسپورا (Cyclospora) نامی طفیلیے کے پھیلاؤ کے بعد 300 سے زائد کیسز رپورٹ ہوئے ہیں، جس پر محکمۂ صحت نے تحقیقات شروع کر دی ہیں۔
حکام کے مطابق یہ بیماری سائیکلوسپورا کائیٹانینسس Cyclospora cayetanensis نامی خوردبینی طفیلیے سے ہوتی ہے، جو چھوٹی آنت کو متاثر کرتا ہے، اس کی تشخیص اسٹول کے ٹیسٹ سے کی جاتی ہے۔
ماہرین کے مطابق اس بیماری کی عام علامات میں پانی جیسے دست، پیٹ میں درد یا مروڑ، متلی، تھکن، بھوک میں کمی، وزن میں کمی، پیٹ پھولنا اور ہلکا بخار شامل ہیں، علامات عموماً انفیکشن کے تقریباً ایک ہفتے بعد ظاہر ہوتی ہیں، تاہم بعض افراد میں یہ دو دن سے دو ہفتوں سے زائد عرصے بعد بھی سامنے آ سکتی ہیں۔



