طبی میدان میں ایک اہم پیش رفت کے تحت پہلی بار 2 ہیومنائیڈ (انسان نما) روبوٹس نے زندہ سور پر کامیاب سرجری انجام دی، جسے مستقبل میں صحت کی سہولتوں کے لیے ایک بڑی کامیابی قرار دیا جا رہا ہے۔
بین الاقوامی سائنسی جریدے نیچر (Nature) میں 8 جولائی کو شائع ہونے والی تحقیق کے مطابق یہ تجربہ یونیورسٹی آف کیلیفورنیا، سان ڈیاگو کے انجینیئرز اور سرجنز نے مشترکہ طور پر انجام دیا۔
رپورٹ کے مطابق روبوٹس نے لیپرواسکوپک کولی سسٹیکٹومی (پتہ نکالنے کی سرجری) کامیابی سے انجام دی، جس میں بافتوں (ٹشوز) کو ہٹانا، کٹ لگانا، کلپس لگانا اور جگر کے نیچے سے پتہ نکالنے جیسے مراحل شامل تھے۔