ایک نئی تحقیق میں انکشاف کیا گیا ہے کہ مصنوعی مٹھاس (Artificial Sweeteners) کا زیادہ استعمال یادداشت اور سوچنے کی صلاحیت میں تیز رفتار کمی سے منسلک ہو سکتا ہے۔
یہ تحقیق امریکن اکیڈمی آف نیورولوجی کے جریدے نیورولوجی میں شائع ہوئی، جس میں تقریباً 13 ہزار بالغ افراد کا 8 سال تک جائزہ لیا گیا۔
تحقیق میں 7 عام کم یا بغیر کیلوریز والے میٹھے اجزا، جن میں ایسپارٹیم، سیکرین، ایسی سلفیم کے، اریتھریٹول، زائیلیٹول، سوربیٹول اور ٹیگاٹوز شامل تھے کا مطالعہ کیا گیا۔