Lifestyle
دل کی ایک چوتھائی بیماریاں و اموات پراسیسڈ غذاؤں سے منسلک ہیں: تحقیق
ایک نئی تحقیق سے معلوم ہوا ہے کہ الٹرا پروسیسڈ غذائیں دل کی بیماریوں اور ان سے ہونے والی تقریباً ایک چوتھائی اموات کی ممکنہ وجہ ہو سکتی ہیں۔
مصنف سعید نیازی12K بار پڑھا

ایک نئی تحقیق سے معلوم ہوا ہے کہ الٹرا پروسیسڈ غذائیں دل کی بیماریوں اور ان سے ہونے والی تقریباً ایک چوتھائی اموات کی ممکنہ وجہ ہو سکتی ہیں۔
امریکن جرنل آف پریونٹیو میڈیسن میں شائع ہونے والی اور میکسیکو میں منعقدہ انٹرنیشنل کانگریس آف اوبیسٹی میں پیش کی گئی تحقیق کے مطابق اگر لوگ الٹرا پروسیس غذاؤں کا استعمال کم کر دیں تو دل کی بیماریوں سے ہونے والی اموات میں نمایاں کمی لائی جا سکتی ہے۔
ماضی کی مختلف تحقیقات بھی اس بات کی نشاندہی کر چکی ہیں کہ الٹرا پروسیس غذائیں انسانی صحت پر منفی اثرات مرتب کرتی ہیں، تاہم ماہرین کے درمیان اس بات پر اب بھی اختلاف موجود ہے کہ ان نقصانات میں خود غذاؤں کی پروسیسنگ کا کتنا کردار ہے اور کتنا ان میں موجود چکنائی، چینی اور نمک کی زیادہ مقدار کا جو مختلف طبی مسائل کا باعث بنتی ہیں۔
دل کا خیال کیسے رکھیں؟ ماہرینِ امراضِ قلب نے مؤثر طریقے بتا دیے


