Lifestyle
ٹی بی کوویڈ سے زیادہ خطرناک، اب وقت اسے کنٹرول کرنے کا نہیں ختم کرنے کا ہے: ماہرین
رپورٹ: سید منہاج الرب۔۔۔دنیا بھر میں مختلف بیماریاں تیزی سے پھیل رہی ہیں، گلوبل کلائمٹ چینج سے جہاں دنیا بھر میں گرمی کی شدت میں اضافہ ہورہا ہے وہاں مختلف بیماریوں کے جراثیم بھی مضبوط ہوتے جارہے ہیں۔ دنیا کو ان بیماریوں
مصنف Moin Uddin29K بار پڑھا

رپورٹ: سید منہاج الرب۔۔۔دنیا بھر میں مختلف بیماریاں تیزی سے پھیل رہی ہیں، گلوبل کلائمٹ چینج سے جہاں دنیا بھر میں گرمی کی شدت میں اضافہ ہورہا ہے وہاں مختلف بیماریوں کے جراثیم بھی مضبوط ہوتے جارہے ہیں۔ دنیا کو ان بیماریوں سے نمٹنے کے چیلنجز کے ساتھ ساتھ دیگر پرانی بیماریوں کو ختم کرنے کا چیلنج بھی درپیش ہے جس میں ٹی بی سرفہرست ہے۔
ماہر ڈاکٹرز کا کہنا ہے کہ اب وقت ٹی بی جیسی بیماری کو کنٹرول کرنے کا نہیں بلکہ اسے ختم کرنے کا ہے۔ ٹی بی کو دنیا بھر سے ختم کرنے کے لیے کام کرنا ہوگا، ٹی بی ایک ایسی بیماری ہے جو ایک آدمی سے دوسرے آدمی کو بآسانی منتقل ہوجاتی ہے اس کے جراثیم اتنے خطرناک اور خاموشی سے منتقل ہوجاتے ہیں کہ مریض کو کافی عرصے تک پتہ ہی نہیں چلتا ہے کہ وہ ٹی بی جیسے مہلک مرض کا شکار ہوچکا ہے۔



