پیٹ کے گرد جمع ہونے والی اضافی چربی صرف دل اور ذیابیطس کے خطرات تک محدود نہیں بلکہ یہ دماغی صحت، یادداشت اور ذہنی صلاحیتوں کو بھی متاثر کر سکتی ہے۔ 
ماہرین کے مطابق پیٹ کے اندر اعضاء کے گرد جمع ہونے والی اندرونی چربی مسلسل سوزش، ہارمونز میں تبدیلی اور جسمانی میٹابولزم میں خرابی پیدا کرتی ہے جو وقت کے ساتھ ساتھ یادداشت کی کمزوری، ذہنی تنزلی اور ڈیمنشیا جیسے امراض کا خطرہ بڑھا سکتی ہے۔
’امیون نیٹ ورک‘ نامی طبی جریدے میں شائع ہونے والی تحقیق کے مطابق آنتیں صرف ہاضمے کے لیے اہم نہیں بلکہ جسم کے مدافعتی نظام، اعصابی نظام اور میٹابولزم کو بھی منظم کرتی ہیں۔