نئی چیز سیکھنے کا عمل صرف معلومات کو یادداشت میں محفوظ کرنے تک محدود نہیں بلکہ اس دوران دماغ میں نیورونز کے درمیان نئے روابط بھی تشکیل پاتے ہیں۔
ایک دلچسپ ویژولائزیشن میں دکھایا گیا ہے کہ سیکھنے کے دوران دماغ کے نیورونز کس طرح ایک دوسرے سے جڑتے اور معلومات کا تبادلہ کرتے ہیں۔
ویڈیو کا آغاز نیورونز کے خوردبینی منظر سے ہوتا ہے، جہاں ایک نیورون کا حصہ قریبی دوسرے نیورون کی جانب بڑھتا ہوا دکھائی دیتا ہے، بڑھتا ہوا حصہ جب دوسرے نیورون کے قریب پہنچ کر اس سے جڑتا ہے تو اسے ایک نئے عصبی رابطے کی تشکیل کے طور پر دکھایا گیا ہے۔